World Skills - Видеохостинг BluTube. Смотрите видео онлайн, бесплатно
 
World Skills

World Skills
Загружено: 2018-10-18T13:33:51.000Z

Автор: iRYSTON TV
1 0

31 Просмотров



Цæгат Ирыстоны цæуы дæсныйад æвдисæн ерыстæ World Skills, - зæгъгæ. 3 боны 16 дæсныйадæй 165 æрыгон специалисты сæ арæхстдзинад æвдисдзысты. Сæ дæсныйадæн сын 180 эксперты аргъ скæндзысты, 25 дзы ссыдысты нæ бæстæйы алы регионтæй. Цæгат Ирыстоны ацы турнир 6 хатт арæзт æрцыд.

Рæвдауæндоны хъомылгæнинæгты боны фæтк раст саразын, аив дзурын сæ сахуыр кæнын, стæй ма сын хъæугæ зонындзинæдтæ раттын. Суинаг хъомылгæнинæгтæ сæ куысты сусæгдзинæдтæ æвдисынц. Ныртæккæ хъазты хуызы. Сывæллæтты бæсты – бархионтæ. Æркасты архайджытæ сæхи бæстонæй баццæттæ кодтой. Фæнды сæ иттæг хорз бæрæггæнæнтæ райсын.

Ацы аз профессионалон дæсныйæдтæ æвдисæн ерыстæ World Skills, -зæгъгæ суинаг ахуыргæнджытæн дыккаг хатт арæзт æрцыд. Хъомылгæнджыты хсæн фарон чи архайдта ерысты, ахæмтæ дæр ис. Жюрийы уæнгтæ куыд зæгъынц афтæмæй ацы аз сæ арæхстдзинад фæбæрзонддæр.

Эксперт Кузьменко Людмилæ: «Хъомылгæнджыты `хсæн ацы аз дыккаг хатт чи архайы ерысты, ахæмтæ дæр ис. Кæй зæгъынæй хъæуы уыдонæн сæ фæлтæрддзинад бæрзонддæр у. Иннæ архайджытæн фæзминаг сты. Уыдон хуыздæртæм кæсгæйæ хорз бæрæггæнæнтæ куы райсынц уæд сæрбæрзондæй рацæуынц, цин фæкæнынц».

Суинаг хæринаггæнджытæ сæ хæрзад хæринæгтæй адæмы дисы æфтауынц. Кæд нырма хæрз æрыгон сты, уæддæр. Сæ фæлтæрддзинадыл кусын хъæуы, уый æмбарынц, æмæ тынг зæрдæргъæвдæй архайынц. Хуымæтæг продукттæй диссаджы хæринæгтæ ацаразынц. Уæгъд рæстæг сын æппындæр нæй.

Ерысты Архайæг Светланæ Лапина: «Хæринаггæнæгы дæсныйад тынг цымыдис у. Ног хæринæгтæ æрхъуыды кæнын, стæй сæ адæмы размæ рæсугъд æвæрдæй раххæсын дæр хъуамæ зонон. Мæн фæнды хорз пъовыр суæвын. Ацы дæсныйады авналæнтæ адджинагтæ фыцæджы авналæнтæй фылдæр сты. Алы бæстæтæм дæр мæ бон ацæуын уыдзæн. Сæ хæринæгтæ кæнын сын сахуыр уыдзынæн. Æркасты архайгæйæ тынг тыхстæн, фæлæ мæ хъуыдытæ æрымбырд кодтон æмæ мæхи æнтысджынæй равдыстон».

Æдæппæтæй алы дæсныйады дæр 5 архайæджы. Алыхуызон хæринæгтæ кæнынмæ дæсны. Суанг ма адджинæгтæм дæр. Уыдон та бынтон диссаг. Фенæн ис уырыссаг адæмон аргъæутты хъайтарты нывтимæ тъорттытæ дæр. Эксперттæ æрыгон хæринаггæнджыты арæхстдзинадæн бæрзонд аргъ кæнынц.

Регионалон конкурсы уæлахиздзауты æппæтуæрæсеон æркастмæ арвитдзысты. Мадзал аразджытæ куыд зæгъынц, афтæмæй ерысты архайджытæн куыст ссарын зын нæ вæййы. Уымæн æмæ сæ куыстмæ хорз фæарæхсынц.
_
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv

Kommentarre