Хъарм уæм у? - Видеохостинг BluTube. Смотрите видео онлайн, бесплатно
 
Хъарм уæм у?

Хъарм уæм у?
Загружено: 2018-10-18T13:22:54.000Z

Автор: iRYSTON TV
1 0

31 Просмотров



Къуырийы райдиан нæ респубубликæйы райдайдыдта хæдзæрттæм хъарм дæттыны рæстæг. Фæлæ æппæт цæрджытæ разыйæ нæ баззадыты. Паддзахадон цæрæнуæтты æмæ архитектурон-арæзтадон цæстдарды службæмæ сæ хъаст бахастой. Бирæтæм тæвд нæ хæццæ кæны. Афтæмæй сæ хæдзæртты зымæгмæ цæттæдзинады паспорттæ та сты цæттæ. Службæйы специалисттæ рацыдысты бæрæггæнæг, цы хабар у, зæгъгæ. Семæ нæ уацхæссæг Биджелты Бертæ дæр. Дæттæм ын ныхасы бар.

Доваторайы проспекты 45-æм хæдзары цар нал тæдзы. Сарæзтой йæ. Уарыны дондзæуæн системæ дæр кусы куыд æмбæлы, афтæ. Паддзахадон цæрæнуæтты æмæ архитектурон-арæзтадон цæстдарды службæйы специалисттæ уый рабæрæг кодтой сæ радон æркасты рæстæг. Мæйæ фылдæр бæрæг кæнынц, куыд цæттæ сты бирæфатерон хæдзæрттæ хъармгæнæн афонмæ, уый. Цæрджыты хсæн хъаст чи кæны, ахæмтæ разынд.

Разамындæттæг компанийы куыд зæгъынц, афтæмæй æмткæй райсгæйæ хæдзар цæттæ у уазæлттæм. Сæйраг куыстытæ конд сты, фæлæ дзы чысыл хъæндзинæдтæ дæр ис. Уыдон аиуварс кæныныл дæр кусынц.

Разамынддæттæг компани «Новый взгляд»-ы генералон директоры хæдивæг Гуссалты Вадим: «Хæдзæрттæ хъармгæнæн афон райдыдта Дзæуджыхъæуы. Тæвдæттæг кусæнгарз кусы, куыд æмбæлы, афтæ. Хæдзæрттæ æрбатæвд сты. Ныр уæллаг уæладзгуыты цæрджыты хъæуы хъармгæнæн системæйæ уæлдæф рауадзын. Хæтæлтæй æмæ донлæууæнтæй уæлдæф куы нæ рауадзой, уæд иннæ фатерты цæрджытæм тæвд нæ уыдзæн».

Цæрæнуæттæм цæстдарды службæйы кусджытæ хæдзары техникон уавæрмæ фæкæсынц йæ цæттæдзинады паспортмæ гæсгæ. Алцæмæдæр уæлдай цæстдард: хæдзары сæрмæ, инженерон бастдзинæдты хæтæлтæм, дондзæуæн системæ æмæ рудзгуытæм. Суанг ма хæдзары æддаг бакастмæ дæр.Уым дæр куыд фæндыйы цæстæй кæсæн нæй.

Специалисттæ ныридæгæн æркастысты 300 хæдзармæ æгас республикæйы. Службæйы куыд зæгъынц, афтæмæй бирæуæладзыгон хæдзæртты 15 %-æн сæ зымæгмæ цæттæдзинады паспорттæ цæттæ дæр нæма сты. Цы хæдзæрттæ бабæрæг кодтой, уыдонæй 180 та паспорты домæнтæн дзуапп нæ дæттынц.

Цæрæнуæттæм цæстдарды службæ ма рейдтæ араздзæн дыууæ къуырийы. Къамис бабæрæг кæндзæн республикæйы районтæ дæр. Хатдзæгтæ ратдзысты хицауады профилон къамисмæ. Кæй зæгъын æй хъæуы, службæйы кусджытæ æппæт бирæфатерон хæдзæрттæм нæ бахæццæ уыдзысты. Æрмæст Дзæуджыхъæ 2000-æй фылдæр сты. Фæлæ адæмæн фадат ис сæ фарстатæ æмæ хъæстытæ службæйы комкоммæ бастдзинады телефонæй дзурын. Йæ номыр у: 76-90-77.

Биджелты Бертæ

_
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv

Kommentarre